എന്റെ പ്രിയപ്പെട്ട പുസ്തകങ്ങളോട്

എന്റെ   പ്രിയപ്പെട്ട  പുസ്തകങ്ങളെ

നിങ്ങളെ

ഒരു  നിമിഷതേയ്ക്കെങ്കിലും  

ഞാൻ  സ്ത്രീ ശരീരങ്ങളോട്  ഉപമിക്കട്ടെ ,

(ഞാനൊരു  പുരുഷമേല്കൊയ്മയോ  വര്ഗധിപത്യമോ  ഒന്നുമല്ലിവിടെ ഉദ്ദേശിക്കുന്നത് ,സ്ത്രീകളെ  ,സദയം  ക്ഷമിച്ചാലും )

കമല സുരയ്യ,  

സ്വ-ശരീരത്തെപ്പറ്റി/ഗര്ഭാപാത്രതെപ്പറ്റി

പറഞ്ഞതു പോൽ 

നിങ്ങളെല്ലാം  

നല്ല  

വിളഭൂമികളായിരുന്നു.

സമ്മതിക്കാതെ വയ്യ .

ഒരു  

സ്പര്ശമേല്ക്കാൻ

കൊതിച്ചിട്ടും ,

അത്  കിട്ടാതെ  ,

അര്ബുദം  ബാധിച്  

നിങ്ങൾ  

അലമാരയിൽ  ഉപയോഗിക്കാതെവച്ച്,

വാലന്പുഴുക്കൾ തിന്ന

കോടിത്തു ണി പോലെ  

മുൾക്കാടുകൾ വളര്ന്നു നശിച്ചു  .

ആരോഗ്യ-ലേഖനങ്ങളിൽ നിന്ന്

സ്വായത്തമാക്കി 

പ്രാവര്തികമാക്കാൻ കഴിയാതെപോയ

 രതി -പാഠങ്ങൾ  

എന്നവണ്ണം  ,

ആ  ബോധം എന്നിൽ  ഇപ്പോഴും  ഉണ്ട്.

നിങ്ങളുടെ അടുക്കൽ

ഞാൻ വരേണ്ടിയിരുന്നു.      

ഞാൻ നിങ്ങളെ  തിരിഞ്ഞു  നോക്കിയതേയില്ല : ഇന്നും .

സന്തോഷം ,

അറിവ്  ,

തത്വം

 ഇതൊക്കെ  വാഗ്ദാനം /പ്രദാനം ചെയ്തിരുന്നെന്കില്കൂടി ...

ജനിക്കപ്പെടമായിരുന്ന  അറിവുകളെ ... മാപ്പ് 

നിങ്ങൾ  ഗർഭപാത്രങ്ങൾ ഒരുക്കി  

കാത്തിരുന്നിട്ടും  

ബീജങ്ങൾ   പാഴായിപ്പോയി.

ഞാൻ

നിങ്ങളെ  

സമീപിക്കാൻ  

മാത്രമേ  

പഠിക്കാൻ  ശ്രമിച്ചുള്ളു .

തൊടാൻ ,

തലോടാൻ  

ഉണര്താൻ  

മറന്നുപോയി.

ഒന്നിൽ

ഞാൻ സംതൃപ്തൻ.

ചിലരെയെങ്കിലും  

മുഴുകെ  പുണർന്നു 

ചിലരാത്രികൾ  

ഞാൻ ഉറങ്ങിയിട്ടുണ്ട് . 

നിങ്ങൾ  

ഇപ്പോഴും

കന്യകകളും   കാത്തിരിക്കുന്നവരും  തന്നെ  ....

എന്റെ   പ്രിയപ്പെട്ട  പുസ്തകങ്ങളെ...